Zec 12 | TpiKJPB | STEP | ¶ Hevi bilong tok bilong BIKPELA, bilong Isrel, BIKPELA i tok, husat i stretim i go ausait ol heven, na slipim ol as ston bilong dispela graun, na wokim spirit bilong man insait long em.

Zechariah 12

1 ¶ Hevi bilong tok bilong BIKPELA, bilong Isrel, BIKPELA i tok, husat i stretim i go ausait ol heven, na slipim ol as ston bilong dispela graun, na wokim spirit bilong man insait long em. 2 Lukim, Mi bai mekim Jerusalem wanpela kap bilong guria i go long olgeta lain manmeri raun nabaut, taim ol bai stap insait long wok bilong pasim biktaun i birua long Juda na i birua long Jerusalem wantaim. 3 Na long dispela de bai Mi mekim Jerusalem wanpela ston bilong givim hevi long olgeta lain manmeri. Olgeta husat i givim hevi bilong ol yet wantaim dispela bai ol i katim long planti hap hap, maski olgeta lain manmeri bilong dispela graun i bung wantaim bilong birua long en. 4 Long dispela de, BIKPELA i tok, Mi bai paitim olgeta wan wan hos wantaim pasin bilong kirap nogut, na man i ran antap long em wantaim tingting i longlong. Na Mi bai opim ol ai bilong Mi antap long hauslain bilong Juda, na bai paitim olgeta wan wan hos bilong ol lain manmeri wantaim aipas. 5 Na ol nambawan gavman bilong Juda bai tok insait long bel bilong ol, Ol lain i stap long Jerusalem bai stap strong bilong mi insait long BIKPELA bilong ol ami, God bilong ol. 6 Long dispela de bai Mi mekim ol nambawan gavman bilong Juda olsem wanpela ples bilong paia namel long ol diwai, na olsem wanpela bombom bilong paia insait long wanpela mekpas. Na ol bai kaikai olgeta olgeta lain manmeri raun nabaut, long han sut na long han kais. Na Jerusalem bai gat man i stap gen long ples bilong em yet, yes, insait long Jerusalem. 7 BIKPELA tu bai kisim bek ol haus sel bilong Juda pastaim, inap long glori bilong hauslain bilong Devit na glori bilong ol lain i stap long Jerusalem i no ken litimapim ol yet i birua long Juda. 8 Long dispela de bai BIKPELA i lukautim long pait ol lain i stap long Jerusalem. Na em husat i no gat strong namel long ol long dispela de bai stap olsem Devit. Na hauslain bilong Devit bai stap olsem God, olsem ensel bilong BIKPELA long ai bilong ol. 9 ¶ Na em bai kamap olsem long dispela de, long Mi bai painim rot bilong bagarapim olgeta olgeta kantri husat i kam birua long Jerusalem. 10 Na Mi bai kapsaitim antap long hauslain bilong Devit, na antap long ol lain i stap long Jerusalem, spirit bilong marimari na bilong autim ol askim. Na ol bai lukluk antap long Mi husat ol i bin sutim, na ol bai krai sori long Em, olsem wanpela i soim sori long wanpela pikinini man tasol bilong em. Na ol bai stap long bel i bagarap tru long Em, olsem wanpela husat i stap long bel i bagarap tru long namba wan pikinini bilong em. 11 Long dispela de bai i gat wanpela bikpela soim sori long Jerusalem, olsem soim sori bilong Hedat-rimon insait long ples daun bilong Mekidon. 12 Na dispela hap bai soim sori, olgeta wan wan famili ol yet, famili bilong hauslain bilong Devit ol yet, na ol meri bilong ol ol yet, famili bilong hauslain bilong Netan ol yet, na ol meri bilong ol ol yet, 13 Famili bilong hauslain bilong Livai ol yet, na ol meri bilong ol ol yet, famili bilong Simei ol yet, na ol meri bilong ol ol yet, 14 Olgeta famili husat i stap yet, olgeta wan wan famili ol yet, na ol meri bilong ol ol yet.